Konkani avoi-bapaik zolmolo, Konkani dot’torer vhaddlo, Konkani samazan ful’lo ani Konkani machier porzol’lo. Tiatrist Remie J. Colaco bhau amcho. Suadik tosoch ruchik talleacho, sobit rupacho, voznadik ghitam toxench moladik Tiatro boroupacho. Sanvordemcho zanvui to.
Sumar 1958 vorsa taka anvem poiloch Konkani palkar deklo zorui tea poros adim to Tiatrani bhag ghetalo. To zaun assa ek “link” adleam ani noveam tiatristam modem. Aiz taka 83 vorsam somptat, aiz tachea zolamacho dis.
Tachea boroborche ani tachea poros bhurge zaite tiatrist aiz ho sounsar soddun ghelet pun Bab Remie J. Colaco amche modem azunui jieta mhonn Devak argam. Anvem mhoje chodd bhurge piraer taka amchea Candolim ghanvant tiatran nachtana dheklolo Airestedes Dias hachea “Doia” tiatran zuim tanne ekdom nazuk part keloli ostorechi ani tache particher tedna tea tiatrak subeij rong ailolo. To tedna chodd korun ostorechi part kortalo ani ostorechea rupan duettam ghaitalo. C. Alvareachea sangatan ostori nessun tannem ek duet ghailolem “Resperak vetam”. Tem duet tedna chodd nauloukik zalolem. Uprant tench duet C. Alvaresan Jessie Dias hachea sangatan All India Radio Bombay hacher record korun dovorlolem assa.
Remie J. Colacho Bombay tosso Goyant tedna tiatrani nachtalo. Zaiteam tiatristank Goyam thaun Bombay vochonk bondi asli tanchea pro-Portuguez ghitank lagon pun Remie J. Colasocher osli bondi kednanch poddonk na karann to tedna political ghitam ghainaslo. Portuguez Goycho na zatoch tanne political ghitam ghaupak survat kelint ani tim ghitam tachim lokank khupuch mandoutalim. Tachim ghitam chodd korun ghor sounsari vixoiancher, ghorabeache riti dekicher astalint. Tachim "solo" ghitam chodd voznadik astalim. “Patienakai” hea ghitan to maechem vhoddpon chodd moladik utrani dakoita. Ek nimnno chorus hea ghitacho aum sokol ditam:
Kallzak ghevun sosnnikai, lhanvikaen cholonk zai,
Sounsarant mijeas kedinch korinakai,
Maink tuje visronakai, assosor ti bienakai,
Sorim dairim soglim fott patienakai.
Aniek ghitan tachea to Pai-Maeche vhoddpon dakoun oxem ghaita:
Dekhun maink ani paik, kednanch dukoinakai re puta,
Vhoddilank sukh dhita to put sounsarant feliz asta,
Zo kon put aplea mae-paiche koixtt visron matarponnar tankam chodd dukh dita,
Tovui zantto zatoch aplea bhurgeancho mar xekim apun khonttani gheta.
Kazari jivita voir ani ostore voir tachim khup ghitam assat ani tim soglim aikopa sarkim.
Osleach eka ghitan to ostorek xiddkaita heam utrani:
Bhoinni burgechponnir anson nachon uddo,
Ankvarponnar chedde ghalit tukam vheddo,
Tujea rupacher cheaddeanchi nodor poddo,
Tum sobit ful soboitaleim vaddo,
Atam noxiban meula tukam nouro,
Tujea hathin dila fulacho turo,
Azun chedde tuzo korun assat paro,
Bulonakai tankam tukam ekloch puro
Bhailen ghovacho mog kelear khoro,
Tednanch fuddar zata boro.
Tachea ghitamni khup zanvai assa ani ghoddpak ghoddopui borench sundor assam. To political solo ghaupak palkar etana lokancheo tallio khup ghonngonn kortaleo. Sankistaum navanchem tachem ghit chodd unch urta. Kaim utram tea ghitachi oxim assat:
1
Gaum bhavani him utram mojim sadoitam tumchea kanar,
Sounsarant hea assat munis zannar ani toxech nennar,
Sogle ekuch, ghorib guirest, xinkot tor burgeach ponnar,
Mouza marxi, tem xinkop soddxi, tor roddtoloi matarponnar.
Ch.
Utrancho heam, bhava ugddas dhor,
Xinknnar uxear, nennarak zaina sor,
Xinknnar ghanva passot vavurta, taka ghanvcho vhoddil korit tor,
Nennarak tea, kelear kunvor,
Hatan tachea dilear pavor.
Somzonchem to, te razvoddkecho, jerul kortolo mhonn dunvor.
II
Eka ghanvan, eke igorjen ekloch khuim padri also,
Eka Aitara to duent zalo, mis sangonk zaina tosso,
Igroz bhor lokh, mis aikonk also, to babddo mis sangtolo kosso,
Dekhun Sankistavank apoun haddun tanne sanglem, ki lokak sermau sang munon oxo.
Ch.
Vigar boro na, aiz mis aschena tachem,
Mis aikona tor patok nhoi tumchem,
Konnachem Bag sanddlam tem Sankistin dhorlam, choukoxi korun eun vorchem,
Porvam Munglaradis, Fest Sampedr Sampaulachem
Ervam Budvaradis, kazar Ladru Mariche,
Tachea Kazarak kitem, haddkol assa zalear, vigarak eun sangchem.
Utram aikon Padvigarachim, khuxeal zalo sankistaum
Munno laglo, sankistaum aslolom, aiz thaun padri zalom munn aum,
Chintlem tanne, sermau sangtoch, ojaptolo munn apleak ghaum,
Nettan ghelo, lokak poun bielo, ani aikat kosso sanglo sermau.
Ch
Vigar boro na, aiz patok nhuim tumchem,
Porvam Munglaradis, fest Ladru Marichem,
Tachea festak kitem, haddkoll aslear, Sanksitin eun sangchem
Ervam Budvaradis, Kazar Sampedr Sampauluchem,
Vigaran sanglam tumi kazakarak eunchem,
Kiteak eta to Berestar, mhoineacho poilo Sunkar, sogleani kumsar zaun kominheaum ghenvchem.
Hea ghitak 4 vers ani 4 chorus assat, tedna he ghit ek khoddok zupatti zaun aslem Bandodkarak. Veta tuimsor lok taka hem ghit porot porot ghaunk laitalo. Oslem ghit anvem kednanch aikonk na ani Remie J. Colaconui oslem ghit kednanch ghoddunk na. Aum him tachim ghitam soglim dekor zanna.
Konkani passot tanne khup moladik ani bolladik ghitam ghaileant.
Oslea eka ghitacho ek nimnno chorus aum hanga dhitam:
Aikat tumi, bhas Konkani, bhitor rigon assa amchea rogtan,
Tika marunk, mudar korunk ami mat konnank dinvchenant kontan,
Vavron nettan, sogle ekvottan, ami zuzoea sangatan,
Amchem boll dakouea, Konkani bhas jikomea, hangach nhoi pun Delhi Parliamentan.
Propfetachim koxim urtam him. Tannem hem ghit ghailolem 35 vorsam fatim ani xekim Konkani bhas Parliamentan pavlich. Aiz Goyank separad state mhonn maniotai mellea ani Konkani baxechem zoit zalam zalear tiatrist Remie J. Colachocho hantun khup vavr assa palkar thaun. Aum Kuwait ravon tachea hea vavrak mozo salam martam.
To chodd korun M. Boyera sangata comedy duo ghaitalo ani lokank hansoun-hansoun kobar kortalo. Ho tancho duo ekdom fanki zalolo. Kuwaitak to 2 – 3 pavtt aila ani lokancho bhorpur abru zoddun gela.
Tanne zaite tiatro boroun palkar dakoilet pun chodd fanki zalet te “Ghorachem Sukh – I” ani “Zolmacho Ghaum”. Zolmancho Ghaum hea tiatran nazuk part keloli Bab Saluzinho hanne tor eke ostorechi part keloli Andrew hannem. Andrew dadlo zaun also khoro pun bhailechi dukest part kortana lokank sarko roddoitalo. Tosle partist aiz amkam mellona. Ghorachem Sukh tiatran Remie J. Colaco Konkani palkacho panvddo khup voir ubharta. Souza Ferrao hea tiatran part korta ti polloupa sarki. Tachea sarke kolakar anink porot amkam mellot? Remie directionan khup unch urta ani tache tiatro chodd unchle kullieche and ekdom “decent” sobhavache. Pozoddpon tachea tiatrani dissona.
Tachea tiatristponna voir boroitolo zalear anukui khup assam. Pun aum sangonk sodtam tem hem ki Remie J. Colaco ek unch dhorjeacho tiatrist. Aiz tacho 83vo zolmancho dis. Tannem nhoich Konkani palkak vhodd naum haddlam pun Sanvordem ganvankui ani toxench Goyank. To jivo astananch tachem naum Sanvodem eka Rosteak tori dinvchem na tor Sanvordemchea community Hallan tacho ek vhodd fottu fasken ghalun dovorcho. Mojea kallzan ani mojea sarkillencheam kallzani to sodanch urtolo ani urronk zai. Devan taka anink khup vorsam jivo dovorcho ani bolaiki tachi rakhchi. To amchem boll ani amcho porzoll. Tanne tiatristpon korun lakhani duddu kelenant pun Konkani palk nhoich lakhani pun kruttani duddu korta tosso kelo. Tachea tiatristponnank aum noman kortam.
Remmie bab, Wish you a very happy birthday and may God Bless you.
Mog assundi.
A. Veronica Fernandes,
Kuwait.
Sumar 1958 vorsa taka anvem poiloch Konkani palkar deklo zorui tea poros adim to Tiatrani bhag ghetalo. To zaun assa ek “link” adleam ani noveam tiatristam modem. Aiz taka 83 vorsam somptat, aiz tachea zolamacho dis.
Tachea boroborche ani tachea poros bhurge zaite tiatrist aiz ho sounsar soddun ghelet pun Bab Remie J. Colaco amche modem azunui jieta mhonn Devak argam. Anvem mhoje chodd bhurge piraer taka amchea Candolim ghanvant tiatran nachtana dheklolo Airestedes Dias hachea “Doia” tiatran zuim tanne ekdom nazuk part keloli ostorechi ani tache particher tedna tea tiatrak subeij rong ailolo. To tedna chodd korun ostorechi part kortalo ani ostorechea rupan duettam ghaitalo. C. Alvareachea sangatan ostori nessun tannem ek duet ghailolem “Resperak vetam”. Tem duet tedna chodd nauloukik zalolem. Uprant tench duet C. Alvaresan Jessie Dias hachea sangatan All India Radio Bombay hacher record korun dovorlolem assa.
Remie J. Colacho Bombay tosso Goyant tedna tiatrani nachtalo. Zaiteam tiatristank Goyam thaun Bombay vochonk bondi asli tanchea pro-Portuguez ghitank lagon pun Remie J. Colasocher osli bondi kednanch poddonk na karann to tedna political ghitam ghainaslo. Portuguez Goycho na zatoch tanne political ghitam ghaupak survat kelint ani tim ghitam tachim lokank khupuch mandoutalim. Tachim ghitam chodd korun ghor sounsari vixoiancher, ghorabeache riti dekicher astalint. Tachim "solo" ghitam chodd voznadik astalim. “Patienakai” hea ghitan to maechem vhoddpon chodd moladik utrani dakoita. Ek nimnno chorus hea ghitacho aum sokol ditam:
Kallzak ghevun sosnnikai, lhanvikaen cholonk zai,
Sounsarant mijeas kedinch korinakai,
Maink tuje visronakai, assosor ti bienakai,
Sorim dairim soglim fott patienakai.
Aniek ghitan tachea to Pai-Maeche vhoddpon dakoun oxem ghaita:
Dekhun maink ani paik, kednanch dukoinakai re puta,
Vhoddilank sukh dhita to put sounsarant feliz asta,
Zo kon put aplea mae-paiche koixtt visron matarponnar tankam chodd dukh dita,
Tovui zantto zatoch aplea bhurgeancho mar xekim apun khonttani gheta.
Kazari jivita voir ani ostore voir tachim khup ghitam assat ani tim soglim aikopa sarkim.
Osleach eka ghitan to ostorek xiddkaita heam utrani:
Bhoinni burgechponnir anson nachon uddo,
Ankvarponnar chedde ghalit tukam vheddo,
Tujea rupacher cheaddeanchi nodor poddo,
Tum sobit ful soboitaleim vaddo,
Atam noxiban meula tukam nouro,
Tujea hathin dila fulacho turo,
Azun chedde tuzo korun assat paro,
Bulonakai tankam tukam ekloch puro
Bhailen ghovacho mog kelear khoro,
Tednanch fuddar zata boro.
Tachea ghitamni khup zanvai assa ani ghoddpak ghoddopui borench sundor assam. To political solo ghaupak palkar etana lokancheo tallio khup ghonngonn kortaleo. Sankistaum navanchem tachem ghit chodd unch urta. Kaim utram tea ghitachi oxim assat:
1
Gaum bhavani him utram mojim sadoitam tumchea kanar,
Sounsarant hea assat munis zannar ani toxech nennar,
Sogle ekuch, ghorib guirest, xinkot tor burgeach ponnar,
Mouza marxi, tem xinkop soddxi, tor roddtoloi matarponnar.
Ch.
Utrancho heam, bhava ugddas dhor,
Xinknnar uxear, nennarak zaina sor,
Xinknnar ghanva passot vavurta, taka ghanvcho vhoddil korit tor,
Nennarak tea, kelear kunvor,
Hatan tachea dilear pavor.
Somzonchem to, te razvoddkecho, jerul kortolo mhonn dunvor.
II
Eka ghanvan, eke igorjen ekloch khuim padri also,
Eka Aitara to duent zalo, mis sangonk zaina tosso,
Igroz bhor lokh, mis aikonk also, to babddo mis sangtolo kosso,
Dekhun Sankistavank apoun haddun tanne sanglem, ki lokak sermau sang munon oxo.
Ch.
Vigar boro na, aiz mis aschena tachem,
Mis aikona tor patok nhoi tumchem,
Konnachem Bag sanddlam tem Sankistin dhorlam, choukoxi korun eun vorchem,
Porvam Munglaradis, Fest Sampedr Sampaulachem
Ervam Budvaradis, kazar Ladru Mariche,
Tachea Kazarak kitem, haddkol assa zalear, vigarak eun sangchem.
Utram aikon Padvigarachim, khuxeal zalo sankistaum
Munno laglo, sankistaum aslolom, aiz thaun padri zalom munn aum,
Chintlem tanne, sermau sangtoch, ojaptolo munn apleak ghaum,
Nettan ghelo, lokak poun bielo, ani aikat kosso sanglo sermau.
Ch
Vigar boro na, aiz patok nhuim tumchem,
Porvam Munglaradis, fest Ladru Marichem,
Tachea festak kitem, haddkoll aslear, Sanksitin eun sangchem
Ervam Budvaradis, Kazar Sampedr Sampauluchem,
Vigaran sanglam tumi kazakarak eunchem,
Kiteak eta to Berestar, mhoineacho poilo Sunkar, sogleani kumsar zaun kominheaum ghenvchem.
Hea ghitak 4 vers ani 4 chorus assat, tedna he ghit ek khoddok zupatti zaun aslem Bandodkarak. Veta tuimsor lok taka hem ghit porot porot ghaunk laitalo. Oslem ghit anvem kednanch aikonk na ani Remie J. Colaconui oslem ghit kednanch ghoddunk na. Aum him tachim ghitam soglim dekor zanna.
Konkani passot tanne khup moladik ani bolladik ghitam ghaileant.
Oslea eka ghitacho ek nimnno chorus aum hanga dhitam:
Aikat tumi, bhas Konkani, bhitor rigon assa amchea rogtan,
Tika marunk, mudar korunk ami mat konnank dinvchenant kontan,
Vavron nettan, sogle ekvottan, ami zuzoea sangatan,
Amchem boll dakouea, Konkani bhas jikomea, hangach nhoi pun Delhi Parliamentan.
Propfetachim koxim urtam him. Tannem hem ghit ghailolem 35 vorsam fatim ani xekim Konkani bhas Parliamentan pavlich. Aiz Goyank separad state mhonn maniotai mellea ani Konkani baxechem zoit zalam zalear tiatrist Remie J. Colachocho hantun khup vavr assa palkar thaun. Aum Kuwait ravon tachea hea vavrak mozo salam martam.
To chodd korun M. Boyera sangata comedy duo ghaitalo ani lokank hansoun-hansoun kobar kortalo. Ho tancho duo ekdom fanki zalolo. Kuwaitak to 2 – 3 pavtt aila ani lokancho bhorpur abru zoddun gela.
Tanne zaite tiatro boroun palkar dakoilet pun chodd fanki zalet te “Ghorachem Sukh – I” ani “Zolmacho Ghaum”. Zolmancho Ghaum hea tiatran nazuk part keloli Bab Saluzinho hanne tor eke ostorechi part keloli Andrew hannem. Andrew dadlo zaun also khoro pun bhailechi dukest part kortana lokank sarko roddoitalo. Tosle partist aiz amkam mellona. Ghorachem Sukh tiatran Remie J. Colaco Konkani palkacho panvddo khup voir ubharta. Souza Ferrao hea tiatran part korta ti polloupa sarki. Tachea sarke kolakar anink porot amkam mellot? Remie directionan khup unch urta ani tache tiatro chodd unchle kullieche and ekdom “decent” sobhavache. Pozoddpon tachea tiatrani dissona.
Tachea tiatristponna voir boroitolo zalear anukui khup assam. Pun aum sangonk sodtam tem hem ki Remie J. Colaco ek unch dhorjeacho tiatrist. Aiz tacho 83vo zolmancho dis. Tannem nhoich Konkani palkak vhodd naum haddlam pun Sanvordem ganvankui ani toxench Goyank. To jivo astananch tachem naum Sanvodem eka Rosteak tori dinvchem na tor Sanvordemchea community Hallan tacho ek vhodd fottu fasken ghalun dovorcho. Mojea kallzan ani mojea sarkillencheam kallzani to sodanch urtolo ani urronk zai. Devan taka anink khup vorsam jivo dovorcho ani bolaiki tachi rakhchi. To amchem boll ani amcho porzoll. Tanne tiatristpon korun lakhani duddu kelenant pun Konkani palk nhoich lakhani pun kruttani duddu korta tosso kelo. Tachea tiatristponnank aum noman kortam.
Remmie bab, Wish you a very happy birthday and may God Bless you.
Mog assundi.
A. Veronica Fernandes,
Kuwait.
