Mornam amchim kallzam sodanch dukhoitat and jedna
amcho ek bhau Tiatrist Luciano Dias 3 dis fattim somplo mhonn gomtoch majea kallzak khup dukh bhogli.
Tachea mornan aniek palkacho khambo umttun poddlo.
Taka anvem poiloch palkar pollelo sumar 1959
vorsa amchea ghanvant "SOTH BHAVARTACHEM" hea Tiatran zacho boroinar ani
director zaun also tacho vhoddlo bhau Shri Airestedes Dias. Tedna Luciano Dias
ekdom torno also ani rupanui ekdom suropi distalo, tacho tallo ekdom ruchik ani
to ghit ghaitana ruchin aikonk distalem. Palkar ghit ghaunk etana ou partin
kam kortana tachem nhesop ekdom janot astalem.
Mattvan aslolim tornattim cheddvam tacher apli mitti martoch astalim.
Uprant rokhddoch 1959 vorsa anvem taka
C.Alvares hachea tiatran dheklo, tea tiatrachem naum zaun aslem "AXEA", hoi tiatro anvem
amchea ghanvantuch pollelolo, C. Alvares tedna kherit aplo pongodd Bombaim thaun
Goyam gheun ailolo. Hea tiatran Luciano
Diasan ek ekdom sobit ani "romantic" duet ghailolem sobit sundori Bai Violet
hachea sangtak. Tedna tanchem zoddem ekdom sundor distalem karann tim dogaim
rupan ekdom sundor aslint dhekun.
Tiatrachea Mattvan tedna khobro choltaleot ki Luciano Dias Bai Violeta laguim
kazar zavpacho assa mhonn. Pun toxem ghoddlena tem.
Uprant Portugez Raj Goenchem somptoch anvem taka
sabar tiatrani dheklo chodd korun tachea bhavachea Airestedes hachea. Te dogui bhau zaite pavtt duo ghaitalet ani
he duo aikonk ekdom borem distalem.
Luciano Dias hachim ghitam ghor-sonvsaravoir astalim toxench ghorabea voir ani
chedde cheddvamche soirigoti voir.
Tachem ek duet assam
tachem naum ‘Koxebhair Kazar’ itlem sobit ki tem aikotana jiv sarko pisso
zatalo ani dolleantlean dhukam passun bhair sortalim. Hem duet mog kornara voir aslem.
Tiatrist makam sodanch laguim ani aum tankaim
laguim. Moje zaite ixtt zaun assat
tiatrist chedde ani cheddvam, ostoreo ani dadle. Tankam mojo zaito kog ani
makaim tancho khub mog ani moipas. Somplolo Rosary Ferns mozo ek boro ixtt ani to Kuwaitak astana
tanne khup Tiaro boroilet and Kuwaitchea palkar dakoilet. Hea tachea vavran
taka tachea vhoddlea bhavan mhonnchem Fidelis Fernandesan khup aplo sohokar dila, tech
porim moje kuveti pormonne anvenui dila. Rosary Ferns hanga aple Show korpak
Goyam ani Bombay
than zaiteam tiatristank haddtalo apleam Showani nachpak. Ek pavtt sumar 10 -12 vorsam fattim Rosary Fernsan Luciano Dias hakai hanga
haddlolo and to tedna 6 dis Kuwait
also ani mojea ghoran to Kuwaitak ravtalo her soire tiatristam sangata.
Oxe porim amguer astana Luciano Dias hachi ani moji
ixttagoth khup choddli, Aum hangasor
ravon jem boroup kortalom tacher to khup chotrai ditalo ani unch dhorjeacheo
khobro aikonk to aple Kan
fuloun ravtalo. Soimban to khup lhanvikaeco aslo, kitt-kitt ani duspott taka mandounasli, apun itlea unch dhorjeacho tiatrist astana passun taka vhoddpon naslem. Amchea ghorant to ravlolo tedna to ekdom respedan astalo kiteak to zaun aslo ek respedacho munis ani apleak hench zai ani tench zai oxem kednach sango naslo, dita tem ghetalo ani sangta tem kortalo.
Tachea ghitani kitem tori unch guinean ghevpa sarkem astalem, tachim ghitam unch moralachim astalim. To Hindi Filmantleam ghitanchi copy marinaslo pun apli khud "originality" dakhotalo. Tachea rogtan Goykarponn aslem tem to apleam ghitani dakhoitalo ani oxem korun lokanchi kallzam jhikun ghetalo. Kuwaitak ailolo tedna Kuwaitcheam tiatro pollenarani taka bhorbur aplo eukar ani abru dilolo ani hem polloun to khup khuxeal zalolo.
Tachea mornan ek zago rito zala to konn tori dusro tiatrist bhorun khaddit gai? Makam dissona karann aiche pillgeche tiatrist kallche pillgechea tiatristank sor zata toxem kainch korinant. Kalche pillgeche tiarist tiatristponan ghuirest aslet pun aiche pillgeche nhoi.
Mojea navan ani her mojea Kuwaitche sangati hancheam navan aum Bab Luciano Dias hachea othmeank sorginchem raj magtam ani tache dhukest familik buzvonn.
A. Veronica Fernandes,
Kuwait.
