NOMAN TUKAM KONKNNI MOGUIA.
PROF. OLIVINHO GOMES.
Khup dukh zali aikon khobor Prof. Olivinho Gomes auchituch somplo mhonn. Tachea mornan Konknni chollvollik ek khup vhod burak poddlo ani to burak konnachean tori bhorunk zait sompeponin? To Romivadi toxoch Nagrivadi pun torui astana zaite Nagrivadi tachi niddukai kortalet hem aum khud zanna. To auchituch somplolean tache nidduki aslet te khuxi zatelet heim aum zanna. Pun torui astana mojean ekuch sangonk zata ki moron zossem tukam toxench makaim bhi assa. Moronn konnakuch amkam chukona, aiz makam tor faleam tukam.
To Kristi samazantlo zalolean kaim Nagrivadi Hinduank to Konknni mollar naka also pun Prof. Olivinho Gomes ek unch xinkop aslolo munis zalolean tachexim tache virodhi sarke nanch zatalet. To Kristi samazachi ek boddai zaun also. Moji ani tachi ixttagoth khup vorsanchi, sumar 25 vorsam zatelint. To moji sodanch vakanni kortalo Konknni molar aum nettan vavr kortam mhonn Gulfak ravon. Kuwait Konknni Kendracho vavr to sodanch vakandtalo. Majorda ghanva voir tachem pustok xaptoch tannem amkam Kuwaitak khup “copies” daddloleot teo ami ani amchea sangateanim vhodde khoxen khopoiloleot. Fattim aum Goyam suttien astana tachi ani moji bhett Ponje zaloli, tachim don-tin pustokam anvem viKtim ghetlolim, tim makam diunk zai mhonn to khud Ponje eun makam bhettlolo. Kaim vorsam fattim tanne makam aplea Dona Paula aslolea “Flattan” khud amontron diun velolo ani tea dissa sumar 4 voram ami tanger aslet zuim Konknni molar kitem kat zata ani kitem kat zaunk zai tache voir bhasabas keloli. Konknni molar tachem guinean ani zannvai khup unch asli.
Prof. Olivinho Gomes ek unch guineani munis torui to ekdom khalto kosso vagtalo. Makam khup mhanan lektalo. Tachem ulop ekdom “dilikad” and to kednanch tikxe naslo. Anvem taka kaim pavtt Ponje TB Cunha Vosreant bhasabas kortana dhekla zannvaen uloitana. Tachea utrak ekdom mhan also. Tacho mojer ek pavtt xinn also aum Nagrivadeank chodd laguim assa mhonn zorui te Nagrivadi amcher Romivadeancher hadd vavurtat ani ami Romivadeani kelole vavracho foll apun vortat mhonn. Anvem tachem mandun ghetlem. Nagrivadeani amkam Romivadeank Nagoilet ani amchem nagoun te khuxeal zaleat.
Moje sarkilleancheam ani mojea sangateanchea navan tachea mornavoir aum mojem dukh porgottaitam and tachea othmeank sassnachem sukh anvddetam. He porim ek – ek khoddegantt Konknni mogui moron Konknnichem ani chodd korun Romi Konkanichem boll denvot veta tem chintrun kallzak dukh bhogta. Prof. Olivinho Gomes hachi aiz amkam chodd goroz asli ani nhoi team Nagri choranchi zanni amchem chorlam ani apun mouza martat Konknnichea fustar.
Ze bhaxen Prof. Olivinho Gomes Konknni molar vavurlo ani ze bhasek lagon tanne ed’do vhod teag kelo tech bhaxen ho lekh boroun aum taka mozo noman korta.
A. Veronica Fernandes,
Kuwait.
